تحریک لبیک پاکستان نے کراچی میں الیکشن کمیشن سندھ کے دفتر کے باہر احتجاجی دھرنا دیا۔ جمعرات کے روز تحریک لبیک پاکستان نے الیکشن کمیشن کے سندھ میں بلدیاتی انتخابات ملتوی کرنے کے اعلاو کے خلاف ایک احتجاجی مظاہرہ کیا۔ احتجاجی مارچ کے اختتام پر لاکھوں شرکاء سے خطاب کرتے ہوئے امیر کراچی تحریک لبیک پاکستان اور رکن سندھ اسمبلی مفتی قاسم فخری نے الیکشن کمیشن کے فیصلے کے خلاف دھرنے دینے کا اعلان کرتے ہوئے کہا کہ وہ اپنی نماز اور جمعہ یہیں پڑھیں گے۔
تازہ ترین اطلاعات کے مطابق الیکشن کمیشن سندھ اور تحریک لبیک پاکستان کے نمائندوں کے مابین جاری اختتام پذیر ہو گئے ہیں۔ مذاکرات میں الیکشن کمیشن نے تحریک لبیک پاکستان کا مطالبہ تسلیم کرتے ہوئے بلدیاتی انتخابات کی تاریخ پہ نظر ثانی کر کے نئی تاریخ دینے پر اتفاق کیا۔ مذاکرات کی تفصیلات بتاتے ہوئے مفتی قاسم فخری کا کہنا تھا کہ صوبائی الیکشن کمشنر نے اس بات کی بھی یقین دہانی کروائی ہے کہ کسی آزاد امیدوار کو ایکساویٹر کا انتخابی نشان بھی الاٹ نہیں کیا جائیگا۔
تحریک لبیک پاکستان کے کراچی میں سندھ الیکشن کمیشن کے باہر دھرنے کے شرکا سے خطبہ جمع فرماتے ہوئے حافظ سعد حسین رضوی نے حکمراں جماعت کو فائدہ دینے کے لئے الیکشن ملتوی کرنے پر الیکشن کمیشن سندھ کو آڑے ہاتھوں لیا۔ حافظ سعد حسین رضوی کا کہنا تھا کہ قوم کل سے الیکشن کمیشن کے باہر سراپا احتجاج ہے لیکن انہیں قوم کے پیسے کے ضیاع کا کوئی احساس نہیں۔ آفرز، دھونس، دھمکی اور بالآخر الیکشن کے التوا سے ان پر تحریک لبیک پاکستان کا ظاری خوف واضح ہو گیا۔
ابھی سائن اپ کریں اور تحریک لبیک پاکستان سے متعلق تمام تازہ ترین معلومات اپنی ای میل میں حاصل کریں
آپ کسی بھی وقت یہ سروس معطل کرسکتے ہیں